قصيدة ألقبر فارغ !!

******* ألمسيح قام ... حقا قام *******.
**********************************
**********************************
القبر فارغ يا بنات ولا عدش فيه أموات
روحو وخبرو الاخوان يسوع قام من الاموات
*******
القبر فارغ يا ناس بعد ما ابليس انداس
ويسوع قام منتصر عالموت ومنحنا الحياة
*******
القبر فارغ يا بطرس روح قوام بشر مرقص
حتى يكتب بالانجيل ويسطر أعظم كلمات
*******
القبر فارغ يا توما ولافيش عليك أي ملومة
لأجل اتصدق و اتآمن حس ابأيدك الجروحات
*******
القبر فارغ لليوم روحو اتأكدو يا قوم
ان يسوع مش جواه هوه حي وقريبا آت
*******
القبر فارغ يا بشر بعد ما يسوع انتصر
وهوه غلب كل شر وداس رؤوس الحيات
*******
القبر فارغ يا هنانا بعد ما قام اللي فدانا
وهوه عايش جوانا ومعانا في كل الأوقات
*******
يوسف الياس متى : عيلبون . ألأراضي ألمقدسة .
**********************************
*******كل عام وأنتم بخير ********
**********************************